PakChannel : Education & Entertainment

Archive for May 5th, 2007

Pather bana diya mujhe roone bhi nahin diya
damaan bhi tere gham ne bhegoone nahin diya.

Tanhaiyaan tumhara pata pochti rahin
shab bher tumari yaad ne sone nahin diya.

Ankhoon main aa ke beth gaye ashkoon ki leher
palkoon pe koi khawaab pirone nahin diya.

Dil ko tumare naam ke ansoo aziz thay
duniya ko koi dard samone nahin diya.

NASIR yun us ki yaad chali hath thamm ke
mele main is jahaan ke khone bhi nahin diya.

Fursatoon main phir milna
Beshumar batain hain
Jo tumhain batana hain
Aur tum ko jana he
Is tarhan ki BAtain to fursatoon main hoti hain
Fursatoon main phir milna

Tum ko kia batain hum
Aur kia chupain hum
BAat chund lafzoon main
Ye khatam nahi hogi
Dastaan-e-gham he ye
Jitna muktasar kerlo
Itne kum nahi hogi

khuwab kaise hote hain
Inko kaise bunte hain
zindagi ke naqshe main
rang kaise bherte hain
Roozo shab khayaloon main
kis tarhan guzertay hain
aur phir lamhoon main…………
Rang kion bikhertay hain
khwab kaise mertay hain
rooh se siwa hoker
jaan-o-dil juda hoker
saans kaise laite hain
choor hoke zakhmoon se
kaise muskurate hain
zindagi bina marzi
kis tarhan bitate hain
Is tarhan ki batain to
fursaatoon main hoti hain
aur tum ko jaldi he
fursatoon main phir milna
fursatoon main phir milna!